АСУЛА системасында Эксперттик комиссиянын мүчөсү катары иштөө боюнча колдонмо
1. Даярдык: Электрондук кол тамга алуу
АСУЛА системасында иштөө үчүн Юридикалык жактын Электрондук кол тамгасын (ЭКТ) алуу милдеттүү. Аны “Инфоком” МИ берет.
Толук маалымат бул шилтемеде:
https://infocom.kg/ru/pki/entity/
2. АСУЛА системасына кирүү
1-кадам — Сайтты ачыңыз
asula.edu.gov.kg дарегине өтүңүз.
2-кадам — Авторизация ыкмасын тандаңыз
- Көк жебе белгисин басыңыз.
- «ЕСИ аркылуу кирүү» тандаңыз.
Мындан кийин ЕСИ кирүү барагы ачылат.
3-кадам — ЕСИ маалыматтарды киргизүү
- Жеке идентификациялык номериңизди (ПИН — 14 символ) киргизиңиз.
- «Далее» басыңыз.
- ЕСИ сырсөздү киргизип, дагы бир жолу «Далее» басыңыз.
Андан соң ЭКТ түрүн тандаган терезе чыгат:
1 - Жөнөкөй электрондук кол тамга (физикалык жак үчүн)
2 - Юридикалык жактын электрондук кол тамгасы
АСУЛА менен иштөө үчүн 2-түрүн тандаңыз.
Андан кийин сиз катталууда колдонгон почтаңызга бир жолу колдонулуучу ПИН код келет. Аны тиешелүү терезеге киргизиңиз.
ПИН код киргизилген соң “Эксперттин жеке кабинети” ачылат. “Эксперттин жеке кабинети” баскычын басыңыз.
Жеке кабинетте “Аккредитация” бөлүмүн тандаңыз.
Тышкы баалоо жүргүзүү үчүн сиз эксперт болууга макулдугуңузду билдиришиңиз керек. Бул үчүн арызды ачып, терезенин аягына өтүңүз.
Эми:
- Эгерде сиздин абалыңыз белгиленген 3 учурдун бирине туура келсе, “Эксперт болуудан баш тартуу” баскычын басып, комментарий калтырыңыз.
- Эгерде туура келбесе — “Эксперт болууга макулмун” баскычын тандаңыз.
Макулдук берген соң чечимди тастыктап, “Ооба” же “Жок” басыңыз.
Макулдугуңуздан кийин Билим берүү жана илим министрлигинин кызматкери тарабынан “Тышкы баалоо жүргүзүү жөнүндө буйрук” чыгат.
Буйрук чыккан соң “Жеке кабинетте” “Тышкы баалоо жүргүзүү” баскычы чыгат. Аны басыңыз.
Бул бөлүмдө өзүн-өзү баалоонун критерийлери чыгат. Ар бир критерий боюнча Заявителдин жоопторун баалаңыз.
Ар бир баага түшүндүрмө комментарий кошуу талап кылынат.
Баалоо аяктагандан кийин терезенин аягында “Чечимди жарыялоо” баскычын басыңыз. “ОЭП менен кол коюу” терезеси ачылат.
Андан соң почтаңызга ПИН-код келет.
Аталган кодду тиешелүү жерге киргизиңиз.
“Кол коюу” терезеси ачылат — “Чечимди жарыялоо” баскычын басыңыз.
Чечим жарыяланар алдында Эксперт 60 секунддун ичинде макулдугун тастыкташы керек (таймерге ылайык).
Чечим жарыялангандан кийин өзгөртүүлөрдү киргизүүгө болбойт.
Эксперттик топтун Төрагасы ар бир эксперттин баасына комментарий жазышы керек, ал үчүн “Комментарий жазуу” баскычын басыңыз.